Warning: session_start(): Cannot send session cookie - headers already sent by (output started at /home/besnikzki/webapps/malishevapresswp2/index.php:52) in /home/besnikzki/webapps/malishevapresswp2/wp-content/plugins/wcp-openweather/agp-core/classes/persistence/session/Agp_SessionAbstract.class.php on line 10

Warning: session_start(): Cannot send session cache limiter - headers already sent (output started at /home/besnikzki/webapps/malishevapresswp2/index.php:52) in /home/besnikzki/webapps/malishevapresswp2/wp-content/plugins/wcp-openweather/agp-core/classes/persistence/session/Agp_SessionAbstract.class.php on line 10

Warning: Cannot modify header information - headers already sent by (output started at /home/besnikzki/webapps/malishevapresswp2/index.php:52) in /home/besnikzki/webapps/malishevapresswp2/wp-content/plugins/wcp-openweather/classes/UserOptions.class.php on line 90
Ymeri thotë se PDK-ja po shpif pas humbjes që ka pësuar – Malisheva Press

Ymeri thotë se PDK-ja po shpif pas humbjes që ka pësuar

Kryetari i Lëvizjes Vetëvendosje Visar Ymeri, i ka quajtur shpifje të gjitha kritikat që PDK, dega në Prishtinë, ka bërë në adresë të qeverisjes së VV-së në Prishtinë, për punësime partiake.

Ymeri tha se këto shpifje flasin për panikun që ka kapluar tashmë PDK-ja pas humbjes që ka pësuar në zgjedhjet e 11 qershorit, e cila po ua rrezikon pushtetin që kanë pasur deri tani.

“ Këto shpifje të PDK-së flasin për dy gjëra. Njërën anë që PDK-ja është në panik. PDK është subjekti që më së shumit ka pësuar humbje gjatë këtij procesi zgjedhor të 11 qershorit dhe si e tillë asaj i rrezikohet pushteti politik, që e ka pasur deri tash. Natyrisht që pushteti politik për PDK-në e veçanërisht për klanin Pronto brenda kësaj partie demokratike, që drejtohet nga Kadri Veseli që praktikisht është struktura e SHIK-ut, i rrezikohet jo vetëm pushteti politik, por edhe mundësia e përfitimeve financiare që ata e kanë përdor deri tash” ka thënë Ymeri.

Tutje Ymeri ka folur edhe për, siç thotë ai, keqpërdorimet e parasë publike, uzurpimet e pronës publike, të kolonizimit dhe keqpërdorimit të ndërmarrjeve publike, duke shtuar se VV-në, e sheh si të vetmin subjekt politik, i cili me të themeluar qeverinë do të ia këpus të gjitha këto mundësi të organizimit të krimit të organizuar që e ka në dorë SHIK-u dhe korrupsionit që po ashtu e kontrollon Shik- u dhe Kadri Vesel.