Tre persona sulmuan autobusin në Prishtinë

autobusiAutobusi i ri i linjës 4 i “Trafikut Urban” është sulmuar nga dy apo tre persona, merr vesh Koha.net.

Ata dyshohet se kanë thyer xhamin e derës hyrëse të autobusit në stacionin te Bregu i Diellit.

Nga autobusi kanë dalë shoferi dhe konduktori, por s’kanë arritur që t’i zënë të dyshuarit.

Autobusët e rinj të shumëpërfolur janë lëshuar dje në qarkullim për herë të parë.