Thaçi mandaton Haradinajn për kryeministër

Presidenti i Kosovës, Hashim Thaçi, ka mandatar Ramush Haradinajn për kryeministër të Kosovës.

Thaçi ka njoftuar se ka pranuar propozimin nga koalicioni fitues i zgjedhjeve të 11 qershorit dhe duke u bazuar në kompetencat e tij, përmes dekretit ka caktuar Haradinajn mandatar për formimin e qeverisë.

“Sapo pranova propozimin nga koalicioni fitues i zgjedhjeve të 11 qershorit, i cili ka siguruar shumicën e votave në Parlament, për caktimin e mandatarit të ri të Qeverisë së Kosovë. Duke u bazuar në kompetencat e mia kushtetuese, përmes një dekreti kam caktuar z. Ramush Haradinajn mandatar për formimin e Qeverisë së re të Republikës së Kosovës, i propozuar nga ky koalicion”, thuhet në njoftimin e Thaçit në Facebook.