Sot në Malishevë po mbahet testi PISA

Në Komunën e Malishevës, sot është duke u mbajtur testi PISA. Testi po mbahet në gjashtë qendra shkollore, ndërsa këtij testi po i nënshtrohen 163 nxënës të Komunës së Malishevës. Sipas të dhënave, mbajtja e testit ka filluar në ora 11:00 dhe është duke u zhvilluar pa probleme.

Me këtë rast, drejtori i Drejtorisë për Arsim dhe Edukim, në Komunën e Malishevës, Blerim Thaçi, i uron të gjithë pjesëmarrësit në këtë test dhe beson se testi do të jetë i suksesshëm, e po ashtu edhe pret që të dalin rezultate të mira nga ky test.