Warning: session_start(): Cannot send session cookie - headers already sent by (output started at /home/besnikzki/webapps/malishevapresswp2/index.php:52) in /home/besnikzki/webapps/malishevapresswp2/wp-content/plugins/wcp-openweather/agp-core/classes/persistence/session/Agp_SessionAbstract.class.php on line 10

Warning: session_start(): Cannot send session cache limiter - headers already sent (output started at /home/besnikzki/webapps/malishevapresswp2/index.php:52) in /home/besnikzki/webapps/malishevapresswp2/wp-content/plugins/wcp-openweather/agp-core/classes/persistence/session/Agp_SessionAbstract.class.php on line 10

Warning: Cannot modify header information - headers already sent by (output started at /home/besnikzki/webapps/malishevapresswp2/index.php:52) in /home/besnikzki/webapps/malishevapresswp2/wp-content/plugins/wcp-openweather/classes/UserOptions.class.php on line 90
Shqipëria synon t’i shpëtojë pyjet me kamera sigurie – Malisheva Press

Shqipëria synon t’i shpëtojë pyjet me kamera sigurie

prerja_pyjeveNjë milionë euro është fatura financiare që kërkohet për të pajisur të gjitha pyjet e vendit me kamera termike të cilat xhirojnë gjatë 24 orëve. Ky sistem, i cili është aplikuar në Tiranë dhe Shkodër, identifikon dhe filmon çdokënd që pret pyjet.

“Ky sistem elektronik monitorimi, përveçse bën të mundur monitorimin e personave dhe mjeteve që hyjnë në fondin pyjor, por edhe lokalizimin dhe kapjen e tyre. Gjithashtu, ky sistem është i pajisur me kamera termike që ndihmon në lokalizimin e shpejtë të zjarreve”, thotë kryeinspektori i mjedisit, Ergys Agasi.

Kreu i Inspektoratit të Mjedisit tha se pas pilotimit në Shkodër dhe Tiranë, vetëm për dy muaj u proceduan mbi 200 individë.

“Kemi mbi 200 raste të kapura nëpërmjet këtij sistemi. Vetëm 24 prej tyre janë ndjekur penalisht, ndërsa për të tjerët janë marrë masa administrative. Me ndryshimin e ligjit në muajin shtator, të gjithë njerëzit që kapen në flagrancë duke prerë drutë në pyje, do të shkojnë automatikisht në burg”, shtoi Agasi, përcjell tch.

Ministria e Mjedisit, vitin e ardhshëm, pritet ta shtrijë këtë sistem monitorimi në të gjithë vendin, si një formë efikase e monitorimit të pyjeve, të cilat gjatë këtyre dekadave janë shkatërruar në formë barbare.