Shkolla e fshatit Berishë shënoi 54 vjetorin e hapjes (Foto)

Dje në fshatin Berishë, është shënuar dita e shkollës, përkatësisht 54 vjetori i hapjes së shkollës, e cila tani mbanë emrin e patriotit “Rifat Berisha”. Në këtë shënim të ditës së shkollës, morën pjesë, nënkryetari i Komunës së Malishevës, Rexhep Mazreku, drejtori i arsimit Avdi Morina, familja e Rifat Berishës, dhe qytetarë të shumtë. Pasi i ka uruar për ditën e shkollës, nënkryetari i Komunës së Malishevës, Rexhep Mazreku, tha se “si qeveri komunale, jemi duke bërë përpjekje në përmirësimin e kushteve të mësimit, përmes investimeve në infrastrukturën shkollore. Këtë jemi duke e bërë edhe në Berishë, ku po ndërtojmë shkollën e re për nxënësit e kësaj ane”.

Me rastin e ditës së shkollës, edhe drejtori i arsimit në Malishevë, Avdi Morina, i ka uruar nxënësit dhe mësimdhënësit. Edhe drejtori Morina, tha se “si drejtori jemi duke u angazhuar maksimalisht në përmirësimin e kushteve për mësim dhe rritje të cilësisë në mësim”.

Për historikun e shkollës, foli drejtori i kësaj shkolle, Lulzim Gegaj, ndërsa më pas nxënësit e kësaj shkolle, dhanë edhe një program të pasur kulturor dhe artistik