Senik: Shtyllat elektrike rrezikojnë jetën e banorëve (Foto)

Në redaksinë e Malishevapress, një lexues i yni ka dërguar disa foto, ku shihet gjendja e keqe e rrjetit elektrik në fshatin Senik. Në këtë fshat ka pothuajse më shumë se 40 vite që nuk është investuar në rrjetin elektrik të tensionit të ulët, shtyllat e vendosura në këtë periudhë kaq të gjatë nuk mund ti rezistojnë kohës, andaj ato çdo ditë e më shumë po ua rrezikojnë jetën e banorëve të këtij fshati. Edhe pse disa herë ata kanë drejtuar në organet gjegjëse për riparimin dhe rregullimin e këtij rrjeti, megjithatë kërkesat e tyre kanë has në vesh të shurdhër. Duke parë këtë papërgjegjësi nga ana e KEDS-it, banorët janë detyruar që në forma të ndryshme të improvizojnë zgjidhje për ti mbajtur në “këmbë” këtë rrjet elektrik dhe duke larguar kështu vetëm përkohësisht rrezikun nga shtëpitë e tyre.