Seanca pritet të vazhdojë në orën 14:00

Burime të KTV-së marrin vesh se seanca konstituive e Kuvendit të Kosovës pritet të vazhdojë punimet në orën 14:00.

Nuk është e qartë nëse seanca do të thirret si seancë e re apo si vazhdimi i seancës.

PAN më herë kërkoi shtyrjen e seancës për dy orë, por kërkesa u hodh poshtë me votim.

Nënkryetari i PDK-së Enver Hoxhaj kundërshtoi mbylljen e seancës dhe kërkoi sqarime nga Sekretariati e Kuvendit lidhur me vendimin që mori kryesuesi Adem Mikullovc.