Reshjet e shiut shembin një pjesë të dheut mbi rrugën e fshatit Turjakë (Foto)

Reshjet e dendura të shiut që po mbretërojnë ditëve të fundit në vendin tonë, përveç ngritjes së nivelit të ujit në liqen dhe lumenj, ato kanë shkaktuar mjaftë probleme edhe në rrugët që lidhin fshatrat dhe qytetet. Malishevapress/ ka siguruar disa fotografi nga rruga në fshatin Turjakë, ku si pasojë reshjeve të pandërprera të shiut është shemë një pjesë e dheut duke bllokuar për pak kohë qarkullimin në këtë pjesë të rrugës. Po ashtu probleme të tilla janë paraqitur edhe në shumë lokacione, për shkak të ngritjes së lumit Mirusha, e sidomos tek diga e liqenit në Mirushë.