Premtimet e papërmbushura të kryetarëve

Pak ndryshime janë vërejtur në përmbushjen e premtimeve të kryetarëve të katër komunave të rajonit të Prishtinës, në azhurnimet e fundit (qershor) të Institutit GAP, shkruan sot Koha Ditore.

Edhe pse u kanë mbetur vetëm edhe tre muaj deri në përfundimin e këtij mandati qeverisës, kryetari i Podujevës, i Fushë-Kosovës, i Obiliqit e Graçanicës kanë ende premtime të papërmbushura. Në letërnjoftimin e komunave të Institutit GAP, shihet që kreu i Podujevës , ai i Fushë-Kosovës dhe i Graçanicës nuk kanë bërë asnjë hap tutje nga të dhënat që ishin publikuar në muajin dhjetor të vitit të kaluar sa i përket numrave.

Por në premtimet e Burim Berishës, shihen pak ndryshime te klasifikimi i premtimeve. Edhe kreu i Obiliqit i ka të njëjta premtimet e përmbushura, por ka shënuar një hap simbolik te premtimet gjysmë të përmbushura.