Përleshen punëtorët e Bechtel Enkas – Një dërgohet në spital, gjashtë të tjerë arrestohen

Një përleshje masive ka ndodhur ndërmjet punëtorëve të Bechetl-Enak-as mëngjesin e së premtes. Pas një mosmarrëveshjeje ndërmjet tyre në përleshje janë përfshirë disa punëtorë të autostradës në afërsi të Kaçanikut. Punëtorët kanë përdorur edhe mjetet e forta të punës për goditje.

Lajmin e ka konfirmuar zëdhënësi i Policisë për rajonin e Ferizajt, Agim Gashi.

Gashi tha se gjashtë prej tyre janë arrestuar dhe dërguar në mbajtje, njëri është dërguar për trajtim mjekësor në spital ndërsa një tjetër është liruar

“Janë përfshirë punëtoret e Bechtel-Enkes, 6 janë dërguar në mbajtje, 1 në spital dhe një tjetër është liruar”, tha ai për Express.

Një dëshmitar nga vendi i ngjarjes ka thënë për Express se dje në rrugën Kaçanik-Hani i Elezit kanë dëgjuar britma, sharje e përleshje ndërmjet këtyre punëtorëve.

Ai thotë se ata janë rrahur me drunj, hekura e me mjete të forta të punës.

Përderisa nuk dihen motivet që çuan deri te kjo mosmarrëveshje.

Bechtel-Enka njihet në publik si kompani ku ndodhin shumë incidente në vendin e punës. Është raportuar se më parë aty kanë humbur jetën edhe punëtorët.