Nis ndërtimi i murit mbrojtës për shkollën e Shkozës të Malishevës

muri_shkozeKanë filluar punimet për ndërtimin e murit mbrojtës në pjesën e pasme të objektit të shkollës në fshatin Shkozë, të Komunës së Malishevës.

Vitin e kaluar kanë përfunduar punimet në ndërtimin e objektit të shkollës, mirëpo, pjesa e pasme e objektit rrezikohej nga shembjet e mundshme të gurëve dhe dheut. Për këtë arsye, siç thuhet në njoftimin e Komunës, kryetari i i Malishevës, z.Ragip Begaj, nuk kishte lejuar fillimin e mësimit, pa u siguruar pjesa e pasme e objektit me muri mbrojtës.

Punimet në ndërtimin e këtij muri i ka inspektuar sot, vet kryetari Begaj, i cili është ndarë i kënaqur me punimet që po kryhen.