Warning: session_start(): Cannot send session cookie - headers already sent by (output started at /home/besnikzki/webapps/malishevapresswp2/index.php:52) in /home/besnikzki/webapps/malishevapresswp2/wp-content/plugins/wcp-openweather/agp-core/classes/persistence/session/Agp_SessionAbstract.class.php on line 10

Warning: session_start(): Cannot send session cache limiter - headers already sent (output started at /home/besnikzki/webapps/malishevapresswp2/index.php:52) in /home/besnikzki/webapps/malishevapresswp2/wp-content/plugins/wcp-openweather/agp-core/classes/persistence/session/Agp_SessionAbstract.class.php on line 10

Warning: Cannot modify header information - headers already sent by (output started at /home/besnikzki/webapps/malishevapresswp2/index.php:52) in /home/besnikzki/webapps/malishevapresswp2/wp-content/plugins/wcp-openweather/classes/UserOptions.class.php on line 90
Në Malishevë, po mbahen garat republikane të sportit shkollor në volejboll – Malisheva Press

Në Malishevë, po mbahen garat republikane të sportit shkollor në volejboll

Federata e Sportit Shkollor të Kosovës, sot është duke mbajtur garat në volejboll për vajza dhe djem, me ekipet fituese nga rajonet e Kosovës. Këto gara, federata është duke i mbajtur në qytetin e Malishevës, përkatësisht në sallën e sporteve “Habib Zogaj” dhe sallën e sportit në gjimnazin “Hamdi Berisha”.

Garat në mes shkollave fituese nga të gjitha regjionet e Kosovës, i kanë përcjellë edhe nënkryetari i Komunës së Malishevës, Hajdin Berisha, drejtoresha për kulturë, rini dhe sport Besartë Kryeziu-Ramaj dhe zyrtari komunal i sportit, Albert Morina. Këta janë shoqëruar edhe nga kryetari Federatës së Sportit Shkollor të Kosovës, Adrian Telaku, i cili gjithashtu i ka përcjellë nga afër zhvillimin e garave shkollore në volejboll për vajza dhe djem.

Me këtë rast, nënkryetari i Komunës së Malishevës, Hajdin Berisha, e ka vlerësuar mbajtjen e garave në qytetin e Malishevës, duke e quajtur edhe privilegj, por edhe një e mirë, pasi Malisheva është shndërruar në një qendër të sportit shkollor dhe çdo ditë e më shumë ka aktivitete sportive, por edhe sporti në përgjithësi në Malishevë, çdo ditë e më shumë po tregon rezultate.

Nënkryetari Berisha, ju ka dëshiruar suksese të gjitha ekipeve pjesëmarrëse në këtë ngjarje të madhe të sportit shkollor, ndërsa i uruar për organizimin edhe federatën e sportit shkollor.