Warning: session_start(): Cannot send session cookie - headers already sent by (output started at /home/besnikzki/webapps/malishevapresswp2/index.php:52) in /home/besnikzki/webapps/malishevapresswp2/wp-content/plugins/wcp-openweather/agp-core/classes/persistence/session/Agp_SessionAbstract.class.php on line 10

Warning: session_start(): Cannot send session cache limiter - headers already sent (output started at /home/besnikzki/webapps/malishevapresswp2/index.php:52) in /home/besnikzki/webapps/malishevapresswp2/wp-content/plugins/wcp-openweather/agp-core/classes/persistence/session/Agp_SessionAbstract.class.php on line 10

Warning: Cannot modify header information - headers already sent by (output started at /home/besnikzki/webapps/malishevapresswp2/index.php:52) in /home/besnikzki/webapps/malishevapresswp2/wp-content/plugins/wcp-openweather/classes/UserOptions.class.php on line 90
Në fshatin Lladroc gjendet i vrarë një person në veturën e tij – Malisheva Press

Në fshatin Lladroc gjendet i vrarë një person në veturën e tij

Policia e Kosovës ka bërë me dije se sot, në orën 09:30, stacioni policor në Malishevë ka pranuar informacion se në fshatin Lladrovc, në rrugë, gjendet një veturë në të cilën dyshohet se është një person pa shenja jete.

Lirije Podrimaj-Beqiraj, udhëheqëse e Zyrës për Informim dhe Marrëdhënie me Publikun në stacionin policor të Rajonit të Gjakovës, ka bërë të ditur se Policia menjëherë ka shkuar në vendin e ngjarjes për të ndërmarrë të gjitha veprimet e nevojshme policore lidhur me rastin.

“Në vendin e ngjarjes kanë dalë edhe ekipi mjekësor të cilët kanë konstatuar vdekjen e viktimës S.B . 57 vjeçar kosovar/shqiptar. Nga hetimet fillestare dyshohet për vrasje”, ka thënë Podrimaj-Beqiraj, raporton Koha.net.

Ajo thekson se hetimet e Drejtorisë Rajonale të Policisë në Gjakovë, në bashkëpunim me Prokurorinë Themelore në Gjakovë, në mënyrë intensive po punojnë në hetimin dhe ndriçimin e këtij rasti.

Me urdhër të prokurorit të shtetit, trupi i viktimës dërgohet në Institutin e Mjekësisë Ligjore për obduksion.