Molliqaj: Durimi i Mustafës është bërë i padurueshëm

molliqajDardan Molliqaj, sekretar organizativ i Lëvizjes Vetëvendosje ka thënë se durimi i Isa Mustafës është bërë i padurueshëm. E ka shprehur bindjen se viti 2017 do të jetë vit i padurimit qytetar me durimin rrënues të tij.

“Isa Mustafa sot paska thënë që e ka duruar deri tash ministrin Mariq, veç pse është serb”, ka shkruar Molliqaj. Sipas tij, në fakt, gjatë tërë qeverisjes së tij Mustafa duroi shumë.

Këto janë sipas Molliqaj, durimet e padurueshme të Mustafës:

– E duroi Listën Serbe në cënim të sovranitetit, veç pse është e Vuqiçit,

– E duroi Kadri Veselin që sipas tij i ka duart me gjak, veç pse ai është shef i SHIK-ut,

– E duroi Hashim Thaçin president, veç për me mbetë vetë kryeministër,

– I duroi djemtë e tij me marrë tenderë të shtetit dhe terminale, veç pse i ka djem,

– E duroi Margarita Kadriun me marrë terminal, veç pse ajo ia ka bë Thaçin President,

– E duroi murin në Mitrovicë, vetëm pse e ndërtuan strukturat paralele të Serbisë…

“Ky është kryeministër impotent, që duron gjithçka vetëm për të mbetur kryeministër. Por durimi i tij është bërë i padurueshëm. Viti 2017 do të jetë vit i padurimit qytetar me durimin rrënues të Isa Mustafës”.