Minatorët e Trepçës në grevë

minatoretMinatorët e Trepçës kanë hyrë sot në grevë, pasi që janë të pakënaqur me trajtimin e tyre nga menaxhmenti i kësaj ndërmarrje.

Veriu.info mëson se kërkesa e grevës së sotme ka të bëjë me mos pagesën e kontributeve të punëtorëve në Trustin Pensional të Kosovës.

“Ndërrimi i parë jemi futur në grevë, pasi që nuk po paguhen kontributet pensionale. Nuk do ta ndërpresim grevën derisa të na paguhet djersa jonë”, thotë një minator në kushte anonimiteti për Veriu.info.

Telashet e sotme me minatorë i ka konfirmuar edhe  drejtori i minierës së Stantërgut, Qazim Jashari, por ai ka thënë se përgjigje të saktë mund të jep pas gjysmë ore, kur t’i merr informacionet e nevojshme, mirëpo më nuk e ka hapur telefonin.

—————————————————————————————————

P.S.: Veriu.info ka raportuar javën e kaluar se Trepça është në prag të kolapsit financiar: Trepça në prag të kolapsit financiar – Menaxheri Ahmet Tmava demantohet nga Dogana e Kosovës.

Po ashtu në muajin gusht Veriu.info kishte raportuar se minatorëve nuk po iu paguhen kontributet pensionale: Thellohet kriza financiare në Trepçë, dështon kontrata për shitjen e koncentratit