Warning: session_start(): Cannot send session cookie - headers already sent by (output started at /home/besnikzki/webapps/malishevapresswp2/index.php:52) in /home/besnikzki/webapps/malishevapresswp2/wp-content/plugins/wcp-openweather/agp-core/classes/persistence/session/Agp_SessionAbstract.class.php on line 10

Warning: session_start(): Cannot send session cache limiter - headers already sent (output started at /home/besnikzki/webapps/malishevapresswp2/index.php:52) in /home/besnikzki/webapps/malishevapresswp2/wp-content/plugins/wcp-openweather/agp-core/classes/persistence/session/Agp_SessionAbstract.class.php on line 10

Warning: Cannot modify header information - headers already sent by (output started at /home/besnikzki/webapps/malishevapresswp2/index.php:52) in /home/besnikzki/webapps/malishevapresswp2/wp-content/plugins/wcp-openweather/classes/UserOptions.class.php on line 90
Malishevë: Ka filluar faza e dytë e dezinsektimit selektiv kundër rriqrave – Malisheva Press

Malishevë: Ka filluar faza e dytë e dezinsektimit selektiv kundër rriqrave

Në territorin e Komunës së Malishevës, ka filluar të realizohet faza e dytë e dezinsektimit selektiv, kundër rriqrave. Kjo fushatë e dezinsektimit, zhvillohet në kuadër të masave për parandalimin dhe luftimin e etheve hemorragjike krime kongo (EHKK), virus i cili bartet përmes rriqrave.

Në ditën e dytë të dezinsektimit, këtë fushatë e kanë përcjellë nga afër edhe nënkryetari i Komunës së Malishevës, Hajdin Berisha dhe drejtori i Drejtorisë për Mbrojtje dhe Shpëtim, Valon Gashi, të cilët janë njoftuar me ecurinë e zhvillimit të kësaj fushate të dezinsektimit. Sipas operatorit dhe mbikëqyrësve, dezinsektimi është duke u realizuar sipas planifikimit.

Pas Balincës, dezinsektimi i zonave endemike, ka vazhduar sot në Mleqan dhe do të vazhdoj edhe në ditët në vijim, deri në përfundim të fazës së dytë të kësaj fushate.

Sipas drejtorit Gashi, në këtë fazë, janë paraparë të dezinsketohen rreth tre mijë hektarë, kryesisht zona të frekuentuara nga qytetarët, ndërsa kjo fushatë e dezinsektimit mundësohet nga buxheti i Komunës së Malishevës.