Malishevë: anëtarësia e LDK-së nuk i nënshtrohet Degës-nënshkruan peticionin kundër Zajednicës

kartelaKa më shumë se një javë që prej se ka filluar peticioni kundër Zajednicës dhe Demarkacionit me Malin e Zi. Ky peticion është organizuar nga subjektet politike të frontit opozitar dhe i cili është shtrirë në pothuajse çdo komunë të Kosovës. Mirëpo si duket strukturave partiake të pozitës dhe sidomos të LDK-së po i pengon masivizimi që peticioni ka marrë duke bërë që shumë qytetarë përfshirë edhe anëtarë të PDK-së dhe LDK-së të vënë nënshkrimin për t’i kundërshtuar marrëveshjet me Serbinë.

Burime brenda LDK-së nga anëtarësia e saj bëjnë të ditur se ditëve të fundit kanë pranuar direktiva nga strukturat udhëheqëse të degës së LDK-së dhe nga strukturat qendrore që anëtarësia e LDK-së të mos e nënshkruan peticionin me raste edhe duke kërcënuar me masa disiplinuese. Sipas burimit strukturat e degës së LDK-së po e kanë të vështirë ti bindin anëtarësinë e saj për të mos nënshkruar peticionin dhe deri më tani ata kanë arritur të disiplinojnë vetëm një numër të vogël të anëtarëve të tyre kryesisht rrethin e tyre të ngushtë familjarë.

Pakënaqësia e anëtarësisë gjithnjë sipas burimeve është rritur me të madhe dhe tashmë kanë filluar largimet nga ky subjekt pasi që janë të shumta ato familje që opinioni i njeh si familje me veprimtari atdhetare dhe të cilat nuk duan të identifikohen me një subjekt që mbron marrëveshjet e fundit ku i jepen toka Malit të Zi dhe ku 30% e territorit që tashmë po njihet si Zajednicë futet nën kontroll indirekt të Beogradit./malishevapress/