Ky është mesazhi i Albulena Haxhiut për bllokuesit e Kuvendit

Deputetja e Vetëvendosjes Albulena Haxhiu thotë se bllokuesit duhet t’u kthehen seancave në Kuvend.

Ajo thotë se Enver Hoxhaj kishte kërkuar vetëm dy orë pauzë dhe PAN nuk u kthye më në Kuvend.

Ajo shkruan:

Koalicioni PAN, ndonëse thonin se i kanë votat, u vonuan dy orë në seancën konstituive të 3 gushtit. Kur erdhen pas dy orësh, i kërkuan edhe dy orë të tjera. Enver Hoxhaj me një fjalë tha “ndoshta pas drekës ndryshojnë gjërat”!

Pas dy orësh, nuk u kthyen më. Nuk erdhen as të premten, në vazhdimin e seancës konstituive.

Kryesuesi i seancës konstituive, deputeti Adem Mikullovci, i ka të drejtat e plota për të thirrur seancën konstituive, kurëdo që ai e konsideron të nevojshme dhe arsyeshme. S’ka asnjë obligim karshi kërkesave për takime konsultative.

Bllokuesit duhet t’i kthehen seancave në Kuvend. Për t’i hapur rrugë krijimit të Qeverisë, konstituimi i Kuvendi duhet të bëhet sa më parë.