Kundërshtarët potencialë të Shqipërisë në Euro 2016

kombetarjaPas kompletimit të listës së kombëtareve të kualifikuara për Euro 2016, janë mësuar edhe kundërshtarët potencialë të Shqipërisë në Kampionatin Evropian.

Në Euro 2016 do të jenë gjashtë grupe me nga katër skuadra.

UEFA ka ndarë katër vazo me nga gjashtë kombëtare dhe Shqipëria, që merr pjesë për herë të parë në një Kampionat Evropian, është pjesë e vazos së katërt.

Vazot prej 1 deri në 4 janë të ndara përmes koeficienteve të kombëtareve në UEFA, që varen nga numri i pjesëmarrjeve në Evropian, Kampionate Botërore dhe suksesi në kualifikime.

Në Grupe vendoset nga një kombëtare prej secilës vazo. Kështu Shqipëria do të takohet me tri skuadra nga vazot 1, 2 ,3.

Vazoja 1: Franca, Spanja, Gjermania, Anglia, Portugalia, Belgjika

Vazoja 2: Italia, Rusia, Zvicra, Austria, Kroacia, Ukraina

Vazoja 3: Çekia, Suedia, Polonia, Rumania, Sllovakia, Hungaria

Vazoja 4: Turqia, Irlanda, Islanda, Uellsi, Shqipëria, Irlanda Veriore