Koordinatori i negociatave me Serbinë aderoi në PDK

Blerim Shala sot ka aderuar zyrtarisht në Partinë Demokratike të Kosovës duke thënë se ka qenë vendim i vështirë për të qëndruar tutje në politikë.

Ai ka thënë se përmes kësaj partie, do të përpiqet ‘ të kontribuojë në rimëkëmbjen e Kosovës’.

‘Fillimi i ri nuk është vetëm parullë partie, por është kategori ekzistenciale për të gjithë ne. PDK është thelbi i politikës së re në Kosovë’, ka thënë Shala, raporton Periskopi.

Ndërkohë që kryetari i PDK-së, Kadri Veseli e ka mirëpritur këtë aderim, duke u shprehur ‘shumë i nderuar’.

Shala ka qenë i afërt me PDK-në sa ishte deputet, pasi ishte i emëruar si koordinator për negociata me Serbinë nga PDK-ja.