Kjo është gjendja e tmerrshme e kanalizimit në fshatin Banjë (Foto)

Ujërat e zeza që po derdhën mbi sipërfaqen e tokës bujqësore po ua rrezikojnë seriozisht shëndetin e banorëve të fshatit Banjë. Në redaksinë e Malishevapress, një lexues i yni ka dërguar disa fotografi, ku shihet gjendje e tmerrshme e ujërave të zeza që kanë filluar të përmbysin sipërfaqe të mëdha të tokave bujqësore në këtë fshat. Ka kohë që ky rrjet ka filluar të shkatërrohet si pasojë e projektit të dobët dhe cilësisë  së dobët të kryerjes së punimeve. Banorët ankohen nga se rrjedhja e ujërave të zeza jo vetëm po ua shkatërron tokat bujqësore, por tash me ngritjen e temperaturave kundërmimi i këtyre ujërave shndërrohet në kërcënim serioz për shëndetin e tyre. Po ashtu prishja e rrjetit të kanalizimit e dhe derdhja e ujërave të zeza e ndotë edhe lumin Mirusha.