Kjo është gjendja e rrugës Malishevë-Kijevë! (Foto/Video)

Përderisa Komuna e Malishevës, nëpërmjet faqes zyrtare të saj ditë më parë kishte deklaruar se të gjitha rrugët në fshatrat dhe vendbanimet e Malishevës janë të kalueshme dhe janë pastruar nga bora, kështu nuk qëndron realiteti në terren. Një lexues i Malishevapress ka dërguar në redaksinë tonë disa foto dhe një video ku shihet rruga kryesore Malishevë-Kijevë, e tëra e mbuluar me akull dhe vështirë e kalueshme. Në anën tjetër kompania përgjegjëse e cila është kontraktuar nga komuna për mirëmbajtjen e rrugëve gjatë sezonit të dimrit nuk ka ndërmarrë asnjë hap konkret në pastrimin dhe mirëmbajtjen e kësaj rruge.