Këta janë deputetët e koalicionit qeverisës që nuk do ta votojnë demarkaionin

Koalicioni qeverisës është në kërkim të votave të mjaftueshme për ta ratifikuar Marrëveshjen e Demarkacionit me Malin e Zi, si ndër kushtet për liberalizimin e vizave.

Por problemi del të jetë te deputetët që janë pjesë e koalicionit qeverisës. Lisa Serbe është pjesë e koalicionit qeverisës dhe i ka dhjetë deputetë në Kuvend.

Kjo parti ka thënë se nuk do ta votojnë Marrëveshjen e Demarkacionit, pasi siç kanë thënë drejtues të saj, nuk u intereson kjo çështje.

Pavarësisht se janë zhvilluar takime me Listën Serbe, kjo e fundit nuk ka dhënë shenja se do ta ndryshojë qëndrimin e vet në raport me Demarkacionin.

Megjithatë, zyrtarë nga partitë në pushtet kanë thënë shpresat i kanë edhe në Listën Serbe, konkretisht te deputeti i saj, Adem Hoxha.

Gazeta Insajderi ka provuar të marrë qëndrimin e tij për këtë çështje, por deputeti Hoxha nuk u është përgjigjur thirrjeve të redaksisë dhe as sms-ve të dërguara./Insajderi.com