Warning: session_start(): Cannot send session cookie - headers already sent by (output started at /home/besnikzki/webapps/malishevapresswp2/index.php:52) in /home/besnikzki/webapps/malishevapresswp2/wp-content/plugins/wcp-openweather/agp-core/classes/persistence/session/Agp_SessionAbstract.class.php on line 10

Warning: session_start(): Cannot send session cache limiter - headers already sent (output started at /home/besnikzki/webapps/malishevapresswp2/index.php:52) in /home/besnikzki/webapps/malishevapresswp2/wp-content/plugins/wcp-openweather/agp-core/classes/persistence/session/Agp_SessionAbstract.class.php on line 10

Warning: Cannot modify header information - headers already sent by (output started at /home/besnikzki/webapps/malishevapresswp2/index.php:52) in /home/besnikzki/webapps/malishevapresswp2/wp-content/plugins/wcp-openweather/classes/UserOptions.class.php on line 90
Kërcënon POPI Irinej: Me hatër a me forcë do ta kthejmë Kosovën – Malisheva Press

Kërcënon POPI Irinej: Me hatër a me forcë do ta kthejmë Kosovën

irinejPatriku i Kishës Ortodokse Serbe, Irinej, tha sot në Nish se të gjithë janë të detyruar të ngrenë zërin në mbrojtje të Kosovës e Metohisë dhe “nëse ndodh përdorimi i forcës, duhet bëjmë çdo gjë që me hatër a me forcë ta kthejmë atë”.

“Shpresoj të mos jemi të detyruar që në këtë mënyrë ta mbrojmë atë, por që vetëdija dhe ndërgjegjja e atyre që vendosin për fatin tonë do të flasin në mënyrën se si duhet të flasë një ndërgjegje e zgjuar dhe e pastër njerëzore”, citon Koha.net deklaratën e Irinejt dhënë gazetarëve në prag të fillimit të sesionit të UNESCO-s.

“Tani bëhet fjalë për atë që të na i marrin objektet e shenjta dhe t’i shpallin vlera të Kosovës”, tha patriku serb.

Kosova, tha Irinej, “është historia jonë, kultura jonë, fillimi i gjithë asaj që është madhështi e përhershmëri në historinë tonë, kulturën tonë”, u shpreh ai.

“Këtë ne në asnjë rast nuk guxojmë t’ia lejojmë as vetes, as të tjerëve, që Kosova e Metohija të mos jenë të popullit që i përkasin qysh kur dihet për Kosovën e Metohinë dhe popullin serb”, tha Irinej.

Ai, siç citohet nga mediet serbe të ketë thënë, ka shtuar se tani objektet e shenjta serbe u dashka t’i dorëzohen popullit i cili gjithë kohën e historisë së tij ka djegur objektet e shenjta serbe dhe se kjo nuk guxohet të lejohet. Po ashtu ka thënë se në Kosovë e Metohi ndodhet rezidenca e patriarkëve serbë (Patrikana e Pejës), si dhe objektet më të mëdha të shenjta të historisë e të kulturës serbe.

Është e njohur se shqiptarët me shekuj ruajtën manastiret dhe kishat serbe, ndërsa gjatë gjithë luftës për çlirimin e Kosovës nga pushtuesi serb nuk është dëmtuar asnjë një objekt kulti serb.

Kleri serb ka qenë inspiruese dhe pjesëmarrëse e krimeve monstruoze që ndodhën në fundshekullin që e lamë ndaj shqiptarëve në Kosovë