Warning: session_start(): Cannot send session cookie - headers already sent by (output started at /home/besnikzki/webapps/malishevapresswp2/index.php:52) in /home/besnikzki/webapps/malishevapresswp2/wp-content/plugins/wcp-openweather/agp-core/classes/persistence/session/Agp_SessionAbstract.class.php on line 10

Warning: session_start(): Cannot send session cache limiter - headers already sent (output started at /home/besnikzki/webapps/malishevapresswp2/index.php:52) in /home/besnikzki/webapps/malishevapresswp2/wp-content/plugins/wcp-openweather/agp-core/classes/persistence/session/Agp_SessionAbstract.class.php on line 10

Warning: Cannot modify header information - headers already sent by (output started at /home/besnikzki/webapps/malishevapresswp2/index.php:52) in /home/besnikzki/webapps/malishevapresswp2/wp-content/plugins/wcp-openweather/classes/UserOptions.class.php on line 90
Kaq para shpenzoi truproja i Hashim Thaçit në minibare të hoteleve të Turqisë – Malisheva Press

Kaq para shpenzoi truproja i Hashim Thaçit në minibare të hoteleve të Turqisë

Ish kryeministri i Kosovës Hashim Thaçi së bashku me shefin e sigurimit të tij gjatë kohës sa ishte kryeministër, Xhavit Ferizin, kishin shpenzuar 200 euro në minibar gjatë qëndrimit dyditor në Turqi.

Hashim Thaçi kishte shpenzuar në minibar vetëm për një ditë 122 euro.

Ndërsa Xhavit Ferizi kishe shpenzuar brenda dy ditëve qëndrim në Turqi 78 euro në total.

Natën e parë të qëndrimit në Turqi, Ferizi kishe shpenzuar me 32 euro, ndërsa natën e dytë 46 euro.

Kryeministri Thaçi përveç minibarit, nuk ia ka lënë keq as me barin e hotelit. Ai gjatë qëndrimit në Turqi kishte shpenzuar 144 euro në barin e hotelit apo ‘summit bar’.

Bekim Çollaku nuk e kishte shfrytëzuar minibarin, mirëpo në barin e hotelit kishte shpenzuar 62 euro.

Ministri i Drejtësisë, Abelard Tahiri që gjatë kësaj kohe ka qenë shef kabineti i Kryeministrit Thaçi e ka konfirmuar për KALLXO.com se Xhavit Ferizi i njohur si RAKETA ka qenë shef i sigurimit të Thaçit.

KALLXO.com ka nisur publikimin e faturave të shpenzimeve të Presidentit Hashim Thaçi në kohën kur ai ishte kryeministër i vendit.

Në dosjen prej qindra faturash të siguruar pasi BIRN ka paditur Zyrën e Kryeministrit në gjykatë, do publikohen fatura të shpenzimeve për 20 muaj qeverisje të Hashim Thaçit përfshirë këtu shpenzimet e zëvendëskryeministrave tjerë të asaj kohe: Bujar Bukoshi, Edita Tahiri, Hajredin Kuçi dhe Behgjet Pacolli.

Pjesë e faturave janë edhe shpenzimet e kryera nga këshilltarë e shefa të kabineteve e deri te bodigardët e qeveritarëve të lartë.

Në dosjen “Sa Han Shefi” e cila tashmë është aktive në KALLXO.com, çdo ditë do publikohen fatura të reja të shpenzimeve të shoqëruara me shkrime dhe dëshmi për shpenzimet.