Kanalizimi i dëmtuar problem për banorët e Bubavecit (Foto)

Një lexues i Malishevapress/ ka dërguar për redaksinë tonë disa foto ku shihet kanalizimi i dëmtuar në fshatin Bubavec dhe ku ujerat e zeza derdhën mbi sipërfaqen e rrugës së këtij fshati. Kjo gjendje e krijuar po u shkakton problem banorëve të fshatit, sidomos ditëve të fundit ku kanë mbretëruar temperatura të larta dhe për pasojë rrjedha e kanalizimit po shkakton kundërmim dhe po paraqet rrezik për përhapjen e infeksioneve. Edhe pse për këtë situatë është njoftuar drejtoria e urbanizmit deri me tani nuk ka ndërmarrë masat e duhura për evitimin e këtij problemi.