Haxhiu ka një porosi për Haradinajn: Kur të flet për Demarkacionin e ‘Zajednicën’ ta mbajë mend…

Deputetja e VV-së, Albulena Haxhiu, përmes një statusi në Facebook, ka thënë se Ramush Haradinaj ka ndryshuar qëndrim për “Zajednicën”, sepse sipas saj, ndrysh nuk do të merrte votat e Listës Serbe, transmeton Periskopi.

“Mbetet të shohim se edhe çka tjetër i është premtuar Vuqiqit apo cilat janë kërkesat e Beogradit e që janë pranuar nga Haradinaj, Veseli e Thaçi”, ka thënë Haxhiu.

Haxhiu ia ka dërguar edhe një porosi kryeministrit të ri.

“Kur Haradinaj flet për demarkacionin e “Zajednicen”, gjithnjë ta mbajë në mend peticionin e mbi 200 mijë nënshkrimeve kundër këtyre dy projekteve të dëmshme! Këto marrëveshje të dëmshme nuk e kanë legjitimitetin popullor pra peticioni në çdo rrethanë mbetet valid!”, u shpreh ajo.

“Nëse Haradinaj për qëllime të ndryshme ka hequr nga mendja peticionin, një kopje e dërgojmë edhe te ai”.