Warning: session_start(): Cannot send session cookie - headers already sent by (output started at /home/besnikzki/webapps/malishevapresswp2/index.php:52) in /home/besnikzki/webapps/malishevapresswp2/wp-content/plugins/wcp-openweather/agp-core/classes/persistence/session/Agp_SessionAbstract.class.php on line 10

Warning: session_start(): Cannot send session cache limiter - headers already sent (output started at /home/besnikzki/webapps/malishevapresswp2/index.php:52) in /home/besnikzki/webapps/malishevapresswp2/wp-content/plugins/wcp-openweather/agp-core/classes/persistence/session/Agp_SessionAbstract.class.php on line 10

Warning: Cannot modify header information - headers already sent by (output started at /home/besnikzki/webapps/malishevapresswp2/index.php:52) in /home/besnikzki/webapps/malishevapresswp2/wp-content/plugins/wcp-openweather/classes/UserOptions.class.php on line 90
Formulë e re për demarkacionin – Malisheva Press

Formulë e re për demarkacionin

Autoritetet ndodhen në fazën finale të përgatitjes së një zgjidhjeje për Marrëveshjen e kufirit me Malin e Zi, e cila do të ishte e pranueshme për të gjithë spektrin politik të Kosovës. Në shqyrtim ndodhen dy opsione, shkruan sot Koha Ditore.

Burime të gazetës në Qeveri kanë folur për opsionin e parë, e për të dytin kanë dhënë detaje në Presidencë. Ajo që i bashkon të dyja është zotimi që, pas ratifikimit, marrëveshja të rinegociohet në rast se dalin fakte të reja që e bëjnë të kontestueshëm ndonjë segment të kufirit. Ndërkaq, dallohen vetëm tek pika që ka të bëjë me formën se si do të jepej ky zotim.

Opsioni në të cilin është duke u investuar më shumë, sipas burimeve në ekzekutiv, ka të bëjë me nxjerrjen e një deklarate të përbashkët ndërmjet autoriteteve të Kosovës dhe atyre të Malit të Zi, në të cilën theksohet gatishmëria për ta rinegociuar marrëveshjen.

“Ka disa muaj që janë të gatshme disa propozime rreth një dokumenti të përbashkët, që do të firmosej qoftë në nivel kryeparlamentarësh apo mes kryeministrash ose ministrash të Punëve të Jashtme. Njëri dokument është hartuar si Deklaratë Pajtimi mes dy shteteve, tjetri si Aneks-Marrëveshje, kurse i treti është Deklaratë e Përbashkët”, ka thënë burimi në Qeveri. “Si propozime u janë prezantuar edhe autoriteteve malazeze, por një dakordim zyrtar nuk ka deri tash”