Filloi mësimi në shkollat e Malishevës

Sot filloi viti i ri shkollor 2017/2018, në të gjitha shkollat e Komunës së Malishevës. Meqrastë Kryetari i Komunës së Malishevës, Ragip Begaj dhe drejtori i Drejtorisë për Arsim dhe Edukim, Avdi Morina, i kanë uruar të gjithë nxënësit dhe mësimdhënësit vitin e ri shkollor.

Kryetari Begaj dhe drejtori Morina, gjatë vizitave të tyre në shkollen fillore “Ibrahim Mazreku”, në gjimnazin “Hamdi Berisha” në Malishevë dhe në shkollen fillore “Ganimete Tërbeshi” në Astrazup, i kanë uruara nxënësit dhe mësimdhënësit, si dhe kanë kërkuar që të rritet cilësia në mësimdhënie.

“Ne jemi të vetëdijshëm që asnjëherë nuk janë të mjaftueshme investimet në arsim, edhe pse jemi munduar që në vazhdimësi të investojmë në infrastrukturë shkollore dhe në krijimin kushteve sa më të mira për mësim, por detyra e juaja si mësimdhënës, është që të rritet cilësia në arsim” ka thënë Begaj, gjatë vizitave në këto shkolla. Qëllim tjetër i këtyre vizitave, ishte edhe njohja nga afër me fillimin e procesit mësimor, ku nuk janë vërejtur probleme të cilat do të ndikojnë në mbajtjen e procesit mësimor.

Begaj e Morina, gjithashtu kanë vizituar edhe klasat parafillore, ku fëmijët e moshës pesë vjeçare, për herë të parë janë ulur në bankat e shkollore.