Dy vjet nga marrëveshja për Demarkacionin

Janë bërë dy vjet nga nënshkrimi i marrëveshjes për demarkimin e kufirit në mes të Kosovës e Malit të Zi.

Marrëveshja ishte nënshkruar në Vjenë të Austrisë mes ministrit të jashtëm të Kosovës atëkohë Hashim Thaçit dhe homologut të tij Igor Lukshiq.

Po ashtu, firmat kishin vënë edhe ministrat e brendshëm, Skënder Hyseni e Rashko Konjeviq.

Por, kjo marrëveshje asnjëherë nuk gjeti zbatim në Kosovë.

Opozita e udhëhequr nga Ramush haradinaj ishte kundër atij demarkimi, që çoi në protesta të mëdha. Po ashtu, për dy vjet me radhë temë e debatit në Kosovë ishte kjo çështje, derisa nga ana e faktorit ndërkombëtar, u vendos si kusht për të fituar liberalizimin e vizave, ratifikimi  marrëveshjes. Kjo nuk u bë asnjëherë, njofton klani.

Në ndërkohë, Mali i Zi e ka ratifikuar në Kuvend marrëveshjen.