Warning: session_start(): Cannot send session cookie - headers already sent by (output started at /home/besnikzki/webapps/malishevapresswp2/index.php:52) in /home/besnikzki/webapps/malishevapresswp2/wp-content/plugins/wcp-openweather/agp-core/classes/persistence/session/Agp_SessionAbstract.class.php on line 10

Warning: session_start(): Cannot send session cache limiter - headers already sent (output started at /home/besnikzki/webapps/malishevapresswp2/index.php:52) in /home/besnikzki/webapps/malishevapresswp2/wp-content/plugins/wcp-openweather/agp-core/classes/persistence/session/Agp_SessionAbstract.class.php on line 10

Warning: Cannot modify header information - headers already sent by (output started at /home/besnikzki/webapps/malishevapresswp2/index.php:52) in /home/besnikzki/webapps/malishevapresswp2/wp-content/plugins/wcp-openweather/classes/UserOptions.class.php on line 90
Dënohet me gjobë, sepse denoncoi një rast korrupsioni – Malisheva Press

Dënohet me gjobë, sepse denoncoi një rast korrupsioni

abdullah_thaciGjykata Themelore në Prizren, ka dënuar qytetarin Abdullah Thaçi, i cili denoncoi një rast korrupsioni. Thaçi, nga Prizreni, gjatë kohës që punonte në Pro Credit Bank, i është qasur pa të drejtë llogarisë së drejtorit të Arsimit Komunal, Nexhat Çoçaj, për të dëshmuar se ai kishte paguar kredinë me paratë publike dhe një pjesë të tyre i kishte transferuar në llogarinë bankare të fëmijëve.

Gjykata Themelore në Prizren dënoi këtë të martë Abdullah Thaçin me një gjobë prej 5 mijë eurosh, që ai është i detyruar ta paguajë në 5 këste mujore.

I akuzuari për veprën penale “zbulim i fshehtësisë zyrtare” e ka pranuar fajësinë dhe është penduar për veprimin e tij. Sipas aktakuzës, Abdullah Thaçi e kishte futur në një zarf gjendjen e llogarive të dy klientëve, e më pas ia kishte dorëzuar Lëvizjes Vetëvendosje.

Para tri vitesh, Vetëvendosja i ka përdorur këto të dhëna për të ushtruar kallëzim penal ndaj zyrtarit komunal. Pikërisht për këtë rast, drejtori i Arsimit në Prizren, Nexhat Çoçaj, akuzohet për “keqpërdorim të detyrës zyrtare”.

Vendimi i gjykatës për Thaçin ka nxitur reagimin e njohësve të standardeve të krijuara nga Gjykata Europiane për të Drejtat e Njeriut, e cila mbron të drejtat e informatorëve, apo siç njihen në anglisht “whistleblowers”, për të denoncuar dukuritë negative. /topchannel