Administrata komunale, përgatitet për ofrimin e shërbimeve për mërgimtarët

KomunKK Malishevë-Ndërtesaa e Malishevës, sot përmes uebfaqes zyrtare njoftoi se ka marrë të gjitha masat dhe ka bërë të gjitha përgatitjet e duhura, për pjesën e dytë të dhjetorit, kur pritet të ketë fluks të qytetarëve që kanë nevojë për nxjerrjen dhe rregullimin e dokumenteve, e ky fluks pritet të jetë nga mesi i dhjetorit, kur edhe vijnë mërgimtarët për festat e fundvitit.
Kështu tha drejtori i administratës z.Ekrem Kastrati, në mbledhjen e rregullt të Këshillit të Drejtorëve, mbledhje të cilën e udhëhoqi i pari i Malishevës, z.Ragip Begaj. Sipas drejtorit Kastrati, janë të furnizuar mirë për formular dhe material tjetër përcjellës, në mënyrë që shërbimet ndaj qytetarëve, edhe kur ka fluks të tyre, të jenë të shpejta dhe efikase.
“Ndryshimet klimatike, kanë rritur numrin e pacientëve edhe në qendrat mjekësore të Malishevës, ndërsa numri pritet të rritet edhe më shumë gjatë këtij muaji, që është normale në këtë periudhë të vitit”, tha drejtori i shëndetësisë, z.Hajdin Berisha.
Edhe drejtorët tjerë raportuan për punën e tyre, dhe përfundimin e projekteve, pasi jemi në prag të përfundimit të vitit kalendarik, si dhe raportuan për përgatitjet që janë duke i bërë për vitin e ardhshëm.
Në fillim të mbledhjes së sotme, kryetari Begaj, ka kërkuar nga drejtorët të bëjnë përmbledhjen e punëve gjatë këtij viti, përderisa tha se “Jemi munduar ti rrumbullakojmë të gjitha projektet, e të cilat nuk janë pak, por kjo nuk do të thotë që ne të jemi të kënaqur me punën e bërë, por duhet edhe me shumë të angazhohemi”.